وقــــــفـــــه

زمان وانا فى سنه اولى

كنت طفل بيجرى ويلعب اوله

والدنيا قدامى بتضحك

وكل مشاكلى محلوله

حلمت يكتب عنى التاريخ

حلمت انى اكون بطل

والناس تتباهى بيا

واخرج من بطوله ادخل بطوله

او عالم او مخترع او فنان

وعشت العمر بطوله

كبرت ونسيت اكبر معايا حلمى

فضل يصغر لحد ما مات

حسيت برعشه من غير برد

وانى اضعف مخلوق على الارض

واحلامى جوايا مقتوله

بحارب علشان اعيش

معايا فلوس ولا معييش

كله فى الاخر مالوش قيمه

كله فى الاخر ميساويش

مكانش طبعى الاستسلام

مكانتش ليا الاحلام

مشاعر جوايا مجهوله

وبواقى انسان

وحمم بركان حب قديم

وقصه حب مش فى زمانها

ولا مكانها

بتسرق عمرى منى بسهوله

مشانى فى طريق مالوش نهايه

همشيه لوحدى محدش معايا

لحد ما الشيخوخه تنسينى احلام الطفوله

بس ياترى هتخمد البركان

اللى ثاير جوايا من زمان

النهارده زى امبارح متغيرش

نفس الناس ونفس الكلام

كلها نفس الرتم الايام

واحد قالى مشكلتك محلوله

غير جلدك جدد حياتك

وحب من جديد

تلاقى العيد

مادد ايد وبيندهلك

وابقى اسأل اهلك

قولت فى نفسى وده معقوله

تانى هحلم وابنى امال

قصور جميله على الرمال

مانا لازم يكون ليا هدف

لازم يكون ليا مع نفسى وقفه

ما لازم قبل العيد بتيجى الوقفه

حلوه يا محمد تسلم

تصلم ايدك يا صاحبى مانتحرمش من ابداعاتك ابدا

جميلة يا محمد
انا عارفة انى قلتلك بس يالا
كلاكيت تانى مرة

ساره
حماده
جيفارا

منحرمش من مروركم ابدا

برافو عليك كريتي

منتحرمش ابدا يا مشمش

بس ممكن سؤال انهي وقفة فيهم

وانهي عيد اصل العيد اتنين عيد صغير وعيد كبير

ولا يكون قصدك العيد اللي بيجي بعد رمضان

طيب اسمع دول

لما كنت صغنونة

قلت هبقي دكتورة

طلع عيني في المدارس

وشربت المر في المعامل

المهم

أخدنا الصيدلية

وفرحنا بيها

وجانا ابن الحلال

مركز وثقافة ومستوى عال

بعد الجواز اتغير الحال

وطلع من جووة منه

الانسان الحجري

وقال لا شغل ولا بهدلة

واديني قعدة بقشر بصل

ومزينة الحيطان بكل

وشهادة ووسام

طيب كان ايه لزمتها

نحلم ونتعب


ملاحظة

هذه قص حقيقة لوحدة صحبتي

بتحصل للاسف كتير حكاية صاحبتك دي يا مولان

مولان عندنا معقوله
وانا اقول بندفع كهربا كتير ليه
انما صاحبتك دى صحبتك فعلا ولا واخداكى على كده؟
ههههههه
نورتينى والله
ومنحرمش من جمال كلماتك