ارجوكم الكل يدخل هنا ويديني رأيه للأهمية (قصة غريبة)

]]السلام عليكم ورحمة الله وبركاته]

انا هحكيلكم قصة غريبة جدا وعوزاكم تفهموها كويس وتحسوا وكأنكم في المشكلة دي وكل واحد يديني رأيه ويقولي لو هو في مكان الشخصيتين دول كان هيعمل ايه؟!!!!
القصة دي لواحدة اعرفها كويس جدا جدا وهي توأمي ومحتارة مش عارفة اعملها ايه وجبت المشكلة وهطرحها عليكم عشان تساعدوني

القصة لمدرسة زيي عندها طالب بس الطالب ده اعتبرته هي اخوها واهتمت بيه اهتمام جامد قوي بحيث انه معدش يقدر يستغني عنها ابدا ابدا
ومع مرور الايام انتهت فترة الدراسة اللي بتربطهم ببعض ودخل الطالب ده الكلية وفضلت العلاقة زي ما هي بل اقوي من الاول واتحولت العلاقة لحب متبادل
وهي وهو مش عارفين يعملوا ايه الوقت ولا يستغنوا عن بعض اطلاقا ومينفعش يفرقهم غير الموت !!!!
بالله عليكم فكروا كويس ومتردوش بسرعة لان الموضوع في منتهي الاهمية وانا مش عارفة اعملها حاجة وفي نفس الوقت مش غلط ولا عيب ان الانسان يحب
بس هل المجتمع يقبل ذلك؟!!عوزاكم تشاركوني المشكلة ومحدش يدخل ويخرج من غير ما يديني الحل ارجوكم

طيب فرق السن اد ايه يا سما بينهم

موضوع غريب جدا
هيقف حله على حاجه واحده ممكن محدش ياخد باله منها الا وهيا الفرق بينهم قد ايه بالظبط وعليها هيتحدد حاجات كتيره اوى بمعنى لو فرق السنين بينهم مش اكتر من سنتين ممكن جدا جدا يستمروا اما ان زاد معتقدش انه هينفع الاستمرار
ده لأسباب كتير جدا انتى مزكرتيهاش
انه لسه بيتعلم وهيا مدرسه
هيخلص قدامه كام سنه
وهيا هتستنى
هيدخل جيش ان كان له جيش
وهيا هتستنى
هيدور على شغل هيشتغل
هيكون نفسه
هيتجوزها وهيا عندها فوق 35
تفتكرى هينفع
فاضل الكلمه اللى مبحبهاش ابدا ومكنتش اتمنى اقولها
ان الحب ده جه فى وقت مش وقته ولا فى مكانه
ياريت توضحى باقى النقط الناقصه يمكن يكون ليها حلول تانيه واتمنى الناس تشارك برأيها
وربنا يوفقهم ويوفقنا

لااااااااااااااااااااااااااااااااااااااااااا للأسف الفرق كبييييييييييييييييييييييييييير جدا وهما الاتنين معندهمش مشكلة في كده انا بجد حزينة عشان زي ما قلت يا كريتي الحب ده جه في زمن مش زمنه ولا وقته بس ايه الحل ؟!!! ولو في اي اسئلة اتفضلوا بطرحها

سيدنا محمد عليه الصلاة والسلام تزوج السيده خديجه وهيا اكبر منه

وفرق السن مش مانع بدام ساعدتهم مع بعض

اذا كان الشخص دا قادر على الجواز خليهم يرتبطو ببعض

كلمي صاحبنك بدام لئت حب عمرها ماتبعدش عنه لان ممكن تندم دي فرصتها انها تعيش حياتها صح

متخلهاش تبعد عن الانسان الحبتو عشان كلام الناس

كلام الناس مش هينفعها وهيفدها بأيه اصلا

هيكون ايه افضل انها تشتري كلام الناس وتتجوز واحد محبتوش وهيا بتخونو في كل لحظه بتفكيرها في البتحبو

ولا زي ماالكل بيدور على راحتو وساعدتو هيا كمان تدور على راحتها وساعدتها؟؟؟

والاهم من دا كولو صلاة الاستخارة انصحيها بكدا

ربنا يعينها اللهم امين

ممكن اعرف الفرق قد ايه يا سما

انا معاكي يا صوفيا بس هي مش محتاجة لاستخارة لانها مقررة وهو مقرر كمان والمشكلة تكمن في انها كانت مدرسته في يوم من الايام بس هو فعلا حب عمرها وهتيفضل حب عمرها اعرضوا عليا المشاكل اللي ممكن تواجهم انا مش عارفة اساعدها خاااااااالص

الفرق 8 سنين يا محمد الفرق كبير مش كده ؟!!! بس ايه المشكلة الحب بيكسر اي اسوار وبيهدم اي عقبة

مش كبير انا قلت فوق العشره لا والله ما كبير

وكمان اذا كان شكلها اصلا صغير ومش باين عليها الفرق فدا ممكن يكون حاجه لمصلحتهم

ياجماعه الحب نادر اليومين دول مين ممكن يلائي حد بيحبو كدا ويستغنى عنو عشان المجتمع

ربنا بس هما المحاسبين قدامو والمجتمع دا كولو زيهم زيو قدام الخلقهم

مجتمع ايه اليدفن الشخص بالحيا والكل عايش حياتو ومبسوط وانا ال ابيع حياتي عشان ارضي الكل

وربنا مش محرم ان الراجل يتجوز باكبر منو

عمرى ما كنت متشائم واكتر حاجه كنت اكرها ان حب يموت وينتهى قدامى بس للأسف استحاله تكمل القصه دى وان كملت واتجوزو مش هيكملوا اكتر من خمس سنين والايام علمتنا ناخد الخبره من الناس الكبيره
الرسول عليه افضل الصلاه والسلام لما اتجوز بفرق سن كبير مكانش ايامها فى اللى احنا فيه دلوقتى

كلام صوفيا صح جدا
بس فى كلام مكنتش هقدر اقوله لكن جه وقته
البنت عموما بتكبر قبل الولد ودى طبيعه فى اى بنت وبعد سن فتره بيبان عليها السن
بعكس الولد اظنه لو شاف واحده حلوه وصغيره بعد الجواز هيندم مهما كان حبه لصحبتك
مش فراغه عين ولا حاجه لكنها طبيعه فى كل البشر
بنقول مشض مهم كلام الناس وفعلا مش مهم كلام الناس حقيقه لكن هتسمع فى يوم كلمه من اى حد انه اتجوز امه الكلمه دى هتجرحها جرح اكبر من جرحها لو القصه دى انتهت دلوقتى

دى شويه من المشاكل اللى هتقابلهم مع طبعا ان اهله مش هيوافقوا

اما من الناحيه التانيه للمشكله
فى حل
الحب ده هيعيش؟
هيكبر؟
وهيقدر يتحدى كل المشاكل اللى هتقابلو ولا هيحارب لحد بعد الجواز بس؟
المشكله كلها فى بعد الجواز مش قبلو
انا بجد حزين ليهم اصعب شىء بعد الموت فراق الحبيب
ربنا معاهم

من الاخر الراجل لو ساب واحده حبها واتجوز غيرها ولائاها بتعمل ليه كل البيرضيه شيفا بيتو وولادو ورضيا ربنا في جوزها بينسى اي حاجه بعد كدا

اما الست بطبيعتها الحب والحنيه والعاطفيه وممكن تفضل دفنا جرحها في قلبها لبعد ماتموت

الموضوع مش فى ايدها هيا فعلا زى ماقالتام عبد الرحمن الموضوع فى ايده هو بس طبعا مش بالظبط زى ماقالت ام عبد الرحمن بالظبط
البنت لما بتتجوز وتشيل مسؤليه بتنسى معاها اى حاجه حصلت زمان
الأتنين بينسوا مع اول حب جديد
القلوب مفيهاش فروق بين الجنسين
مفيش غير صلاه الاستخاره بس
مفيش اكتر من كده وربنا يكرمهم

دا اخر كلام يا كريتي بس النهاية كده مأسوية قوي قوي مش هقدر اقولها الكلام ده ادعولها انتم بقي من قلوبكم

ربنا ييسر حالهم ويجعلهم اسعد 2 فى الدنيا

يارب يا حمادة بس مفتكرش ودعاوتكم ليهم بجد من قلوبكم لانهم في اشد الحاجة ليها

سما قولي لها اربطي على قبلك حجر

وتسيبة وهي بكرامتها

وبينهم ذكري حلوى

عمر الموضوع ما هيتم

وصدقني هتنجرح جرح

كبير قووي

وعارفة هيكون من مين

من حبيبها

وبدون حلفان

بكرة تفتكري كلامي دي

وكلام محمد صح جدا

وهو مش رسول الله

وهي مش خديجة

واحنا مش في زمن الصحابة

خليها تنزل ارض الواقع

وتبص بعيون الحقيقة

سامحونى يا جماعه علشان رأيى الجارح اللى اكيد زعل الناس ودايقهم
وصدقونى اولهم انا
محدش بيحب ينهى قصه حب الا اللى معندوش قلب
بس المشكله هنا اخر حاجه ممكن نفكر بيها هيا مشاعرنا ورمانسيتنا
حقيقى كل الموجودين هنا عندهم احساس مش عند حد وكلهكم ناس حساسه جدا ورومانسيه
بس للأسف مش هينفع نحكم على القضيه دى بالرومانسيه
هنا لازم نقول العقل بيقول مش القلب
وده مش حكم نهائى ابدا
لسه المجال مفتوح قدامهم يثبتوا لو يقدورا

يعنى اخر كلامى يا سما
قوه الحب اللى بينهم هيا بس اللى هتحدد امكانيه استمرارهم ولا لأ

حجات كتير في حياتنا فقدت معناها بسبب ارض الواقع الكل بئا بيحكم بيها عشان كدا حجات كتيييييييييييير اتغيرت وماتت جوا العالم ال احنا فيه بئينا في غابه

الشخص يتجوز الانسان البيحبو بيدل ما يتجوز واحد مفيش بينو وبين التاني غير ولد وبنت او سقف مغطيهم وحياة بارده مش ماليها غير كلامات اللوم والعتاب للنفس ووللطرف التاني

وبعدين محنا بنصلي السنه وبنصوم اتنين وخميس وبناكل باليمين وبنسمي وبنقوم الليل

اشمعنى دي ال مش هنمشي فيها زي الرسول

عشان القسوة والعادات والتقاليد ال ايدت الناس بئت مليا كيان الكل

شوفي عاوزه تقولي ايه لصحبنك ياسما

وفي النهايه البيحكم الموضوع دا مش رئينا ولا كتر التفكير

لوحبهم حقيقي هيستمر وهيتحدى اي ظروف لو عادي ومجرد عناد وايام حلوة وبنقضيها فيفضوها سيرة احسن

بصى يا سما

يتوكل على الله ويصلى استخاره لان رسول الله هدانا لكده عشان تزول الحيره فى موضوع احنا مش عارفين هو خير ولا شر
فبنصلى للمولى انه يختار لنا الخيره
انا من راى يصلى استخاره لو يسر لهم الله الزواج يبقى لا يلتفتوا لولو لائم


وانا لو مكانه وفى نفس ظروفه اصلى استخاره ولو يسر لى الله والله لتزوجتها ولو كره الكارهون

تسلمى يا ام جيجى يا جماعه والله بجد عايزكم توزنوها بميزان بسيط اوى

ايهما كبر
الجرح الصغير دلوقتى
ولا
الجرح الكبير بعدين

الاتنين جرح يا محمد وميفرقش بقي كبير ولا صغير
ربنا يسهل الحب دايما نهايته جرح

بصوا بقى يا جماعه اولا انا مع الكريتى جدا
اولا اهله هو شخصيا مش هيوافقوا
ثانيا انتوا نسيتوا حاجه مهمه جداااااااااااا
انه مراهق ولسه داخل جامعه
يعنى لسه مشاعره هتتغير مليون مره
واكيد هيشوف بنات فى الجامعه وهيعجب فى يوم من الايام بواحده من سنه ومن تفكيره
وهى اللى هتتصدم فى الاخر بعد ما تكون ضيعت شبابها مستنياه
لالالالالالالالالالالالالالا والف لا
الرجاله مخلصتش اعتقد انها تاضجه كفايه على انها تدخل فى حب كده
العلاقه دى فاشله من اولها لاخرها واستحاله تكمل
ده غير كلام الناس اللى اكيد هيأثر مفيش حاجه اسمها ملهاش دعوه بكلام الناس
متنسوش احنا عايشين مع الناس دول مش هنهرب
صدقونى هو اول واحد هيرميها عند اول بنت جميله تدق باب قلبه المراهق
واسفه انى كنت قاسيه اوووى فى ردى
بس ده الصح
الواحده لازم تدوس على قلبها بالشوز لو لقيت انها ماشيه فى طريق مسدود

ممكن اقول راى بقا

دا اصلا نتيجة تعدى الحدود بين الجنسين

ايا كان حتى لو كانت مدرسة فكان لازم يبقا فية حدود

يعنى الحوارت متبقاش شخصية

وعذرا على راى لو ازعجكم