هل يقبل مجتمعنا الشرقي هذا ؟؟

الموضوع دا انا عوزاكم تقولوا رأيكم بمنتهي الصراحة والوضوح مع ذكر اسباب ان امكن لكم ذلك
هل يمكن للمرأة ان تذهب الي منزل الرجل لتطلب يده بنفسها ؟؟
هل يمكن ان يحدث ذلك في مجتمعنا الشرقي؟؟
ولو هو عيب ماذا تفعل المرأه حينذاك؟؟
وهل يمكن للحب ان يقهراي عادات اوتقاليد والتي تعد عقبات امام المحبين؟

اظن ان المرأه فعلا عملت كل حاجه فى الدنيا مكانش مفروض تعملها
انما الموضوع ده صعب اوى هو حصل فعلا لكن مش هيبقى ابدا معمم للكل هتبقى حالات فرديه ضئيله جدا
لان الرجل عموما بيحب يكون فى الزواج متمسك بكل العادات والتقاليد اللى اتعلمها واتربى عليها لأنها بترسم فيه الرجوله المطلقه
ونفس الموضوع للبنت بتحب ان العريس اللى يدق بابها وتفتخر وتتباهى ان النهارده جالى عريس قدام جيرانها واصحابها واهلها وجالى عريس يعنى انا بنت مطلوبه وكويسه وصالحه انى اكون ام وزوجه ونص حياه الرجل ده اللى جالى لحد بابى وطلبنى رفع منى قدام كل الناس اللى اتربيت وسطهم
وغير كل ده فى الاكتر كمان
ممكن الواحده تبدأ وتقول لواحد انا بحبك
لكن مستحيل تتقدم للزواج بداله الا لو كانت هيا اللى هتكمل المشوار وهيقعد هو فى البيت ويتستت

شاكرين مهللين للموضوع يا سما

ههههههههههههههههههههههههههه شكرا لرأيك يا محمد
رغم ان المجتمع الهندي المرأه هي اللي بتطلب ايد حبيبها او جوزها بس هي عادات وتقاليد فعلا
ونشوف الرأي اللي بعد كريتي هيقول ايه ؟
في انتظار ردودكم

لا طبعا ياسمسمه لأن الواحده اللى تعمل كده
تبقى فقدت حيائها ونصف جمال المرأة حيائها
وزى ماقال محمد البنت بتحب ان العريس اللى يدق بابها وتفتخر وتتباهى ان النهارده جالى عريس قدام جيرانها واصحابها واهلها وجالى عريس يعنى انا بنت مطلوبه وكويسه وصالحه انى اكون ام وزوجه لكن يامحمد عايزه اسألك
ايه رأيك فى البنت اللى تقول للراجل انها بتحبه
رأيك بقى كراجل وتمثل هذه الفئه

اتعودنا كمجتمع شرقى فيه العياب والصح والغلط ان البنت رمز للدلال والحياء والادب وان الراجل دايما هو اللى يبدى حبه واهتمامه بالقول او بالفعل انما البنت بالكتير اوى ممكن تبتسمله بطرف شفايفها مش اكتر
ويتعب ويجرى ويعمل علشان يوصلها ده اللى اتعودنا عليه
اما الايام دى بقى اتقلبت الحكايه واصبحت البنت بتجرى والولد بيجرى وقطعوا نفسنا الله يسامحهم
انا شايف ان لو الحب فى مكانه ممكن البنت تبدأ بالتعريف عن قلبها بمعنى انه انسان محترم وراجل وفيه كل الميزات اللى تخلينى اتمناه واثق فيه يبقى مفيش مشاكل لو قولتله انا بحبك مع العلم انها تكون كتاب مفتوح قدامه علشان معظم الرجال مبيحبوش يسمعوها من البنت الاول علشان متعودوش على كده