من طرف نِفسي أتسَرب لمسامَك
أتثَبِّت ف عروقََك
وأجري ف دمَّك..
تشكي لنجمة ليلَك مني..
ومن ظُلمي
حتى ف وسط الناس والزحمة
أفضل همَّك..
أنا مش هشكيلَك أبدا مِنَّك..
أنا بس بتقهرني الكلمات
لما بتهرب مني
تسيبني
وعرفاني ما حلتيش غيرها
أبقى سواعي من خوفي
نفسي ف جوفي
أشيلها
واكتبها عليك..
هحلِفلَك بيك..
ما انا حافظة شوارعك
شارع شارع..
بأمارة شجرة توت
قُدام الجامع
وستاير بلكونتك بتطل..
وهلال أول لما يشوفني يهِل..
وشَرخ ف بيتكُم يوم ما اتصدَََّع م الزلزال..
لما بتبقى يميني
يفر القلب يمين على طول
واما بتبقى شمالي
بيرجع تاني شمال..
تعرف قلبي؟
تعرف؟
قلبي دا موته حلال
قالّك بيحبك كام مرة؟
قالّك هاستناك كام مرة؟
قالّك؟
أتحداه لو قال
واتحداه لو ينطق أي كلام
غير بس معايا وع الأوراق
سِلسِلَة شوق وأمل ورجاء..
بتسحَب قلبي وراك مِني
وتجَزَّأني ف مليون حِتة
لما بتهمِس ف وداني:
أنا ماشي
ومش متأكد راجع إمتى
والَخَص كل كياني ف وردة
ف سلسله فضة
تلبسها ف صدرك
لو عطْشِت تشرب من عَرَقََََك
لما تضيق الدنيا توسَّع هي عليك
حلقاتها لو تقلعها تشتاقلك..
وتموت ف ساعِتها
تنطَق رغم رهافة صوتها..
بكلمة قََد عنادي
وقد الخوف اللي
بيخنُقني
لما يمر كلامي عليك
تسمعه شيء مألوف أو عادي
وقد العالم يوم ما تسيبني
ويصبح فاضي..
أتثَبِّت ف عروقََك
وأجري ف دمَّك..
تشكي لنجمة ليلَك مني..
ومن ظُلمي
حتى ف وسط الناس والزحمة
أفضل همَّك..
أنا مش هشكيلَك أبدا مِنَّك..
أنا بس بتقهرني الكلمات
لما بتهرب مني
تسيبني
وعرفاني ما حلتيش غيرها
أبقى سواعي من خوفي
نفسي ف جوفي
أشيلها
واكتبها عليك..
هحلِفلَك بيك..
ما انا حافظة شوارعك
شارع شارع..
بأمارة شجرة توت
قُدام الجامع
وستاير بلكونتك بتطل..
وهلال أول لما يشوفني يهِل..
وشَرخ ف بيتكُم يوم ما اتصدَََّع م الزلزال..
لما بتبقى يميني
يفر القلب يمين على طول
واما بتبقى شمالي
بيرجع تاني شمال..
تعرف قلبي؟
تعرف؟
قلبي دا موته حلال
قالّك بيحبك كام مرة؟
قالّك هاستناك كام مرة؟
قالّك؟
أتحداه لو قال
واتحداه لو ينطق أي كلام
غير بس معايا وع الأوراق
سِلسِلَة شوق وأمل ورجاء..
بتسحَب قلبي وراك مِني
وتجَزَّأني ف مليون حِتة
لما بتهمِس ف وداني:
أنا ماشي
ومش متأكد راجع إمتى
والَخَص كل كياني ف وردة
ف سلسله فضة
تلبسها ف صدرك
لو عطْشِت تشرب من عَرَقََََك
لما تضيق الدنيا توسَّع هي عليك
حلقاتها لو تقلعها تشتاقلك..
وتموت ف ساعِتها
تنطَق رغم رهافة صوتها..
بكلمة قََد عنادي
وقد الخوف اللي
بيخنُقني
لما يمر كلامي عليك
تسمعه شيء مألوف أو عادي
وقد العالم يوم ما تسيبني
ويصبح فاضي..
العمل/الترفيه