مش لاقى كلام

بتمنى تجرى الساعه علشان اقابلك
واقولك انى عمرى ما شوفت قبلك
ولا عمرى حد غيرك يشغلنى
وان جمالك قاتلنى وساحرنى ضيك

فضلت احفظ الليل بطوله
مكانه فى قلبى هوصفهوله
وانى شايلو فى قلبى حب كبير
وخلص الكلام قبل ما اقوله

وجت الساعه اللى بستناها
هقولها دلوقتى انى بهواها
انه ده حلم عمرى
واتمنى اعيش عمرى معاها

وانا معاها نسيت كل الكلام
عشت حلم من اجمل الاحلام
مكنتش عايز الوقت يعدى
لو كان بيدى ماكنت بعدها انام

ومقولتلهاش انى بحبها
مانا بنسى روحى وانا جنبها
منين هقدر اتلم على روحى
وازاى اجيب الشجاعه دى كلها

سكتنا واتكلمت العيون
كانت ليلى وانا المجنون
كانت حوريه من الجنه
كانت اجمل بنات الكون